Kagak Mati

Posted: December 2, 2010 in Berita enteng & Lucu

Ceritane Bejo nang Jakarta durung suwe nembe pirang minggu, mangkat sekang kampung niate pengen dadi wong sukses ben akeh cewek-cewek sing naksir. Pancen dasare Bejo kuwe Mandan kemlinthi lah bocaeh nek basa gaule nggembeleng, gayane pol sok ngganteng padahal jane ya tampang-tampange biasa lah standar antarane wong Kroya karo wong Kawunganten hehehee……. Bejo nang Jakarta melu lilike sing wis puluhan tahun nang Jakarta.
Tapi ndilalaeh Bejo kuwe bocaeh gaul karo sok gaul sok akrab karo wong, apik sih sifat bocah sing gampang bergaul karo wong liya, sayange Bejo bocaeh Mandan oneng dadi kadang-kadang sering salah paham utawa salah tangkep omongane wong.
Pas lagi tuku rokok nang warunge mpok Inah, si Bejo langsung melu nongkrong nang tongkrongan ojek sebelah warunge mpok Inah sing ndilalaeh ana bang Sape’I nang kono. Tanpa ragu-ragu karo ngetokna jurus gaule langsung si Bejo ngebrel-ngebrel eh ‘ ngobrol-ngobrol karo bang Sape’i.
(Sore-sore jam 3 an)

Bejo : (karo gaya logat betawi sing dipaksa) gimane bang blon ade yang ngojek nih?
Bang Sape’i : ude tadi, ni baru balik…. Ya cape kite ngupi dulu aje, situ ponakannye bang Bawor ye ?
Bejo : iye bang…. Gue ponakannye om Bawor. Emang abang rute hariannye kalo ngojek kemane aje bang ?
Bang Sape’i : ya kemane aje tong…. Tergantung yang gue tumpangin maunye kemane.
Bejo : lha tadi dah dari mane aje bang?
Bang Sape’i : tadi nganterin temen gue tukang bangunan yang lagi bangun gedung ono nyang di deket jalan gede.
Bejo : ooo… yang disono no (karo ngacung-ngacung tangane) kan deket bang, kok tadi kayaknye lama amat.
Bang Sape’i : iye tadi habis nganter trus ngobrol dulu disono sambil ngrokok, trus gak lama kite ketiduran deh.
Bejo : ketiduran dimane bang?
Bang Sape’i : ya di proyek sono….. saking capeknya sampe-sampe temen gue tidur kepalanye dipacul .
Bejo : hah…..!!! tidur kepalanye dipacul ???
Bang Sape’i : iye…. Emang kenape?
Bejo : nggak mati tuh bang temennye tidur kepalanya di pacul ?
Bang Sape’i : ya kagak…..kan gue bilang tadi die lagi tidur bukannye mati.
Bejo : sakti dong temen abang ?
Bang Sape’i : kagak juga.
Bejo : lha itu temen abang tidur kepalanya dipacul kagak mati ???? (tambah bingung kiye, penyakit oneng e kumat)
Bang Sape’i : ya kagak mati lah…. Ntar kalo die tidur kepalanye kagak dipaculnye ntar pada ilang tuh pacul. Disono pemulungnye parah kalo kite meleng dikit ape aje diambil ma die ya pacul lah, ember, alat-alat tukang, pokoknya parah deh.
Bejo : jadi maksudnya kepalanya temen abang itu ada dipaculnya gitu ?
Bang Sape’i : laaaaahhh….. emang lu kire pgimane?
Bejo : nggak bang……. Gue pulang dulu ya bang…… (langsung cambirit ngacir…. isin)

Dadi ujare Bejo ,kancane bang Sape’I kuwe siraeh dipacul tapi ora mati. Padahal maksude bang Sape’I, kancane kuwe gole turu siraeh nang pacul soale ngger ora dituroni pacule pada ilang dicolong pemulung.

Advertisements

Dina minggu wingi tanggal 28 November 2010 stadion Wijayakusuma ramene pool….. mergane tim kebanggane warga Cilacap sekitare menang lawan PSIS Semarang. Siji-sijine gol kemenangan tim PSCS di cetak nang Eka Wijayanto  menit 93 pas pertandingan wis arep bubaran alias injury time, pas ana rame – rame pemain pating gemrudug nang ngarep gawang PSIS sing dikawal nang Agus Murod akhire Eka Wijayanto bisa nglebokna bal sing nggo rebutan wong 22 nang tengah lapangan kuwe maring njero gawange PSIS.

Ora kesuwen bar gol kuwe pendukunge tuan rumah sing arane Laskar Nusakambangan langsung pada surak-surak kesenengen, ora ketinggalan wakil bupati Cilacap ya kuwe pak Tatto Suwarto Pamuji uga melu surak-surak saking senenge. Ngalahna tim pengalaman sing wis tau juara Liga Indonesia rasane kaya mabur meng langit temenan lah, tapi sayange pas pertandingan kuwe akeh protas-protes kang pihak PSIS mergane ora puas karo kepemimpinane wasit Prasetyo Hadi asal Surabaya, apamaning bar PSCS nglebokna bal meng gawange PSIS suasana tambah panas tapi untunge pak pulisi sigap gole ngadepi situasi nganti akhire ora ana kedadean sing lewih parah.

Pertandingan ngesuke maning PSCS bakal nglawan Persikota Tangerang, pelatih Agus Riyanto kudu nyiapna pemaine ben bisa menang maning kaya pertandingan lawan PSIS kiye. Moga-moga bae PSCS  bisa menang terus lan akhire bisa mlebu ming liga super Indonesia.

Amien……….

Sebelah ngendi?

Posted: November 29, 2010 in Berita enteng & Lucu
Tags: ,

mumpung tesih suasana lebaran haji sedulur, kiye ana cerita mandan lucu nggo mesam-mesem lah.

ceritane ana wong loro sing lagi pada dopokan (ngobrol-ngobrol) jenenge Paidi karo Tukimin. wong loro kuwe ndilalaeh dadi pengurus panitia kurban nang dusune dewek-dewek, padahal jan-jane Paidi karo Tukimin kuwe wonge sering ora nyambungan lan salah paham ngger lagi ngobrol.
waca terusane…

Yamaha Xeon

Posted: May 5, 2010 in OTOMOTIF
Tags: , , , ,

Bulan Mei kiye Yamaha Indonesia ngetokna produke sing anyar jenenge Xeon, nek nang negara asale Thailand di jenengi Mio 125. Kenangapa inyong ngomong negara asale Thailand ora Jepang ? soale pancen Xeon alias Mio 125 kuwe sing nggaw Yamaha Thailand, jian kenangapa ora Yamaha Indonesia ya….. ya wis ora apa-apa lah sing penting payu motore. Pas launching alias peluncuran motor kiye Yamaha Thailand ora tanggung-tanggung ngundang pembalap top Yamaha yaiku kang Valentino Rossi karo Mas Jorge Lorenzo. Ckckckckck….. mantep banget yakin lah.
waca terusane…

Sedulur…. wis tau krungu motor sing merk e KYMCO pa durung ? nek wis tau ya berarti sampeyan gaul, nek durung ya memper lah soale pancen ora se ngetop merk-merk Jepang bangsane Honda, Yamaha, Suzuki lah. Apamaning nggo nang daerah-daerah kaya daerah ngapak dan sekitarnya kayane bener-bener jarang ana sing nduwe, tapi ngger nang Bali utawa kota gede kaya Jakarta, Bandung lumayan akeh lah sing nduwe.

Kymco kuwe pelopor motor matic nang Indonesia, kawit taun 2000 Kymco wis ngetokna produk Jetmatic TREND tapi amerga bentuke sing gendut, gede, ora ana oper-oper gigi dadi nang wong kene dianggepe montor aneh. Dadi nek sing nganggep motor Mio kuwe motor matic pertama nang kene kuwe salah gede, sing pertama mlebu ngeneh kuwe motor matic Piagio Corsa sing tasih seduluran karo Vespa tapi sayange kurang payu. Lha terus nembe Kymco mlebu pasar Indonesia, ora let suwe Yamaha nyusul produk Nouvo ne. Nah bar Nouvo nembe Mio nongol trus langsung ditaksir nang sejuta umat. Kymco pancen pangsa pasare kalah banget karo Yamaha lan Honda, tapi aja gumun ngger wong sing wis nganggo lan nduwe motor Kymco biasane ora mung ngingu siji motor Kymco nang garasi ne, biasane ana loro apa malah lewih. Soale sing wis pada kena virus Kymco kuwe angel obate, obate ya kudu tuku maning sing kelase lewih duwur. Aja pada gumun ngger wong-wong sing wis keracunan Kymco kuwe wonge pada maniak lan pede nang ndalan senajan motore aneh, jarang ana balane, malah siki pabrike sing nang Indonesia tutup gara-gara ATPM (LIPPO) bermasalah karo Kymco pusat.
waca terusane…

Klepon

Posted: May 1, 2010 in Panganan Karo Jajan
Tags: , , ,

Klepon kuwe uga termasuk balane cenil (cethil) yaiku bangsa jajan pasar. Ciri khase jajan kiye yaiku wernane sing ijo tur bunder-bunder kaya bal bekel, isine gula jawa biasane mangane di campuri parutan kelapa. Jaman cilikane inyong ya anu sering banget tuku panganan kiye, termasuk jajan favorit lah.  Klepon kuwe nggawene sekang glepung beras ketan sing di bulet-bulet isine gula jawa. kurang lewih cara nggawene kaya kiye sedulur :
waca terusane…

Gara-gara maca artikel panganan tradisional nang blog e kang Maskur dadi kelingan jaman cilikane inyong pas nang Kroya koh, jian maraih kangen karo Kroya jaman semono. Ya nggo ngilangi setitik rasa kangen inyong rep melu ngrameni tulisan tentang panganan ndeso kiye.
waca terusane…