Bejo : (karo gaya logat betawi sing dipaksa) gimane bang blon ade yang ngojek nih?
Bang Sape’i : ude tadi, ni baru balik…. Ya cape kite ngupi dulu aje, situ ponakannye bang Bawor ye ?
Bejo : iye bang…. Gue ponakannye om Bawor. Emang abang rute hariannye kalo ngojek kemane aje bang ?
Bang Sape’i : ya kemane aje tong…. Tergantung yang gue tumpangin maunye kemane.
Bejo : lha tadi dah dari mane aje bang?
Bang Sape’i : tadi nganterin temen gue tukang bangunan yang lagi bangun gedung ono nyang di deket jalan gede.
Bejo : ooo… yang disono no (karo ngacung-ngacung tangane) kan deket bang, kok tadi kayaknye lama amat.
Bang Sape’i : iye tadi habis nganter trus ngobrol dulu disono sambil ngrokok, trus gak lama kite ketiduran deh.
Bejo : ketiduran dimane bang?
Bang Sape’i : ya di proyek sono….. saking capeknya sampe-sampe temen gue tidur kepalanye dipacul .
Bejo : hah…..!!! tidur kepalanye dipacul ???
Bang Sape’i : iye…. Emang kenape?
Bejo : nggak mati tuh bang temennye tidur kepalanya di pacul ?
Bang Sape’i : ya kagak…..kan gue bilang tadi die lagi tidur bukannye mati.
Bejo : sakti dong temen abang ?
Bang Sape’i : kagak juga.
Bejo : lha itu temen abang tidur kepalanya dipacul kagak mati ???? (tambah bingung kiye, penyakit oneng e kumat)
Bang Sape’i : ya kagak mati lah…. Ntar kalo die tidur kepalanye kagak dipaculnye ntar pada ilang tuh pacul. Disono pemulungnye parah kalo kite meleng dikit ape aje diambil ma die ya pacul lah, ember, alat-alat tukang, pokoknya parah deh.
Bejo : jadi maksudnya kepalanya temen abang itu ada dipaculnya gitu ?
Bang Sape’i : laaaaahhh….. emang lu kire pgimane?
Bejo : nggak bang……. Gue pulang dulu ya bang…… (langsung cambirit ngacir…. isin)

Dadi ujare Bejo ,kancane bang Sape’I kuwe siraeh dipacul tapi ora mati. Padahal maksude bang Sape’I, kancane kuwe gole turu siraeh nang pacul soale ngger ora dituroni pacule pada ilang dicolong pemulung.

Dina minggu wingi tanggal 28 November 2010 stadion Wijayakusuma ramene pool….. mergane tim kebanggane warga Cilacap sekitare menang lawan PSIS Semarang. Siji-sijine gol kemenangan tim PSCS di cetak nang Eka Wijayanto  menit 93 pas pertandingan wis arep bubaran alias injury time, pas ana rame – rame pemain pating gemrudug nang ngarep gawang PSIS sing dikawal nang Agus Murod akhire Eka Wijayanto bisa nglebokna bal sing nggo rebutan wong 22 nang tengah lapangan kuwe maring njero gawange PSIS.

Ora kesuwen bar gol kuwe pendukunge tuan rumah sing arane Laskar Nusakambangan langsung pada surak-surak kesenengen, ora ketinggalan wakil bupati Cilacap ya kuwe pak Tatto Suwarto Pamuji uga melu surak-surak saking senenge. Ngalahna tim pengalaman sing wis tau juara Liga Indonesia rasane kaya mabur meng langit temenan lah, tapi sayange pas pertandingan kuwe akeh protas-protes kang pihak PSIS mergane ora puas karo kepemimpinane wasit Prasetyo Hadi asal Surabaya, apamaning bar PSCS nglebokna bal meng gawange PSIS suasana tambah panas tapi untunge pak pulisi sigap gole ngadepi situasi nganti akhire ora ana kedadean sing lewih parah.

Pertandingan ngesuke maning PSCS bakal nglawan Persikota Tangerang, pelatih Agus Riyanto kudu nyiapna pemaine ben bisa menang maning kaya pertandingan lawan PSIS kiye. Moga-moga bae PSCS  bisa menang terus lan akhire bisa mlebu ming liga super Indonesia.

Amien……….

ceritane ana wong loro sing lagi pada dopokan (ngobrol-ngobrol) jenenge Paidi karo Tukimin. wong loro kuwe ndilalaeh dadi pengurus panitia kurban nang dusune dewek-dewek, padahal jan-jane Paidi karo Tukimin kuwe wonge sering ora nyambungan lan salah paham ngger lagi ngobrol.

Paidi : min…nang nggonmu nyembeleh wedus pira ngesuk lebaran?

Tukimin : lah mung setitik tok, mung nyembeleh wedus 7 sapine 3.

Paidi : laaah….akeh ya.

Tukimin : ya lumayan lah… lha nggonmu pira?

Paidi : mung wedus 15 sapi 5.

Tukimin : wuih…ya akeh nggonmu banget lah.

Paidi : hehehehe……

Tukimin : nek akeeh kaya kuwe ya kesel sing nyembeleh.

Paidi : lah ya ora.

Tukimin : nek nang nggonmu sih ngger nyembeleh wedus karo sapi nang sebelah ngendine?

Paidi : nek wedus gole nyembeleh nang lapangan mburi mesjid, ngger sapi nang ngisor wit gedang

Tukimin : nang mburi mesjid ???

Paidi : iya, kenangapa koh ?

Tukimin : ya ora mati-mati mengko weduse.

Paidi : lha kepriwe sih? ya mati lah wong disembeleh koh….. lha ngger kowe nang ndi ?

Tukimin : ngger nang nggone nyong gole nyembeleh wedus nang sebelah gulu (leher) ora suwe paling 5 menit wis mati weduse. lha ngger gole nyembeleh nang mburi mesjid apa ora repot kuwe? apa ora malah mlayu weduse.

Paidi : asem…….lah

Tukimin : lho nyong mbok gole takon bener, gole nyembeleh nang sebelah ngendine?

Paidi : semprul…… !!!

Bulan Mei kiye Yamaha Indonesia ngetokna produke sing anyar jenenge Xeon, nek nang negara asale Thailand di jenengi Mio 125. Kenangapa inyong ngomong negara asale Thailand ora Jepang ? soale pancen Xeon alias Mio 125 kuwe sing nggaw Yamaha Thailand, jian kenangapa ora Yamaha Indonesia ya….. ya wis ora apa-apa lah sing penting payu motore. Pas launching alias peluncuran motor kiye Yamaha Thailand ora tanggung-tanggung ngundang pembalap top Yamaha yaiku kang Valentino Rossi karo Mas Jorge Lorenzo. Ckckckckck….. mantep banget yakin lah.

Motor kiye kapasitas mesine 125 cc (124 cc) 4 tak SOHC, dadi lewih duwur kelase ketimbang sedulur tua ne yaiku Mio karo Nouvo, tapi sing lewih canggih maning motor kiye wis dilengkapi karo sistem pendingin air alias radiator, dadi ra usah kewatir ngger lunga-lunga adoh utawa mesin kepanasen kena macet nang dalan. Ana maning fitur unggulane yaiku forged piston sing jarene pihak Yamaha kuat lan awet , Pihak Yamaha uga wani aweh garansi nggo mesine nganti 5 tahun, sip lah. DiASil cylinder sing fungsine nggo njaga ben mesin tetep stabil, nang karburatore uga ana fitur Throttle possition sensor . Motor kiye bener-bener dadi pesaing kuate Honda Vario CBS Techno, gari sapa sing promosine lewih top lan regane lewih kejangaku masyarakat mesthi kuwe sing paling sukses. Nek menurut kabar manuk alias kabar burung motor Yamaha Xeon kiye di bandrol karo rega Ro. 15,5 juta, target dodolane Yamaha bar ngetokna produk kiye 150.000 unit per wulane sing maune mung 120.000 unit per wulan. Kayane sih bisa nembus target lah Yamaha, soale Yamaha Indonesia kuwe marketinge top selain masang iklan sing gampang diterima masyarakat nang tv, perhatian Yamaha nggo konsumen terutama klub-klub Yamaha termasuk apik dibanding liyane. Pengalamanku mbiyen pas kerja nang EO ndilalah nangani event Yamaha Mio, ngger ana kegiatan klub motor mesthi pihak Yamaha gelem melu mbantu utawa nyeponsori. Salut nggo Yamaha, mulane ora gumun ngger siki konsumene tambah akeh ganti Honda sing kelabakan pangsa pasare mulai direbut Yamaha.

Ya wis siki gari pilihane njenengan nek arep tuku motor, tapi motor kiye pantes dipertimbangna soale selain modele lumayan keren, fiture juga canggih lan regane tesih mlebu ngakal lah. Monggo…….

Sumber : kompas.com

Kymco kuwe pelopor motor matic nang Indonesia, kawit taun 2000 Kymco wis ngetokna produk Jetmatic TREND tapi amerga bentuke sing gendut, gede, ora ana oper-oper gigi dadi nang wong kene dianggepe montor aneh. Dadi nek sing nganggep motor Mio kuwe motor matic pertama nang kene kuwe salah gede, sing pertama mlebu ngeneh kuwe motor matic Piagio Corsa sing tasih seduluran karo Vespa tapi sayange kurang payu. Lha terus nembe Kymco mlebu pasar Indonesia, ora let suwe Yamaha nyusul produk Nouvo ne. Nah bar Nouvo nembe Mio nongol trus langsung ditaksir nang sejuta umat. Kymco pancen pangsa pasare kalah banget karo Yamaha lan Honda, tapi aja gumun ngger wong sing wis nganggo lan nduwe motor Kymco biasane ora mung ngingu siji motor Kymco nang garasi ne, biasane ana loro apa malah lewih. Soale sing wis pada kena virus Kymco kuwe angel obate, obate ya kudu tuku maning sing kelase lewih duwur. Aja pada gumun ngger wong-wong sing wis keracunan Kymco kuwe wonge pada maniak lan pede nang ndalan senajan motore aneh, jarang ana balane, malah siki pabrike sing nang Indonesia tutup gara-gara ATPM (LIPPO) bermasalah karo Kymco pusat.

Nek sing durung kenal Kymco kiye tek ceritakna nang kene. KYMCO = Kwang Yang Motor CO. Ltd., Kaohsiung, Taiwan. Tapi Kymco dudu mocin sing kerjane mung njiplak alias tiru-tiru tapi kualitas bahan asal-asalan, kiye pabrikan gede sing digarap serius. Ngadeg nang tahun 1963, jan-jane pertamane kiye pabrik onderdil motor Honda trus akhire nggawe produk motor dewek, malahan nganti siki Honda tesih nduwe saham nang kono, Kuwe berarti kualitas Kymco ora kalah karo gurune yaiku Honda. Kualitas kuwe lah sing merekna Kymco terkenal lan siki dadi pabrik (Produsen, perusahaan) motor paling gede nomor 5 nang dunia lan disenengi nang masyarakat Eropa karo Amerika sebagai pasar sing paling gede nggo motor type skuter. Selain kuwe tipe wong Taiwan sing serius nek nggawe produk lan seneng maring produke dewek juga merekna produke mesthi kualitase ora sembarangan, contone produk-produk komputer akeh sing gawean Taiwan contone ASUS, BEN-Q lan tesih akeh liyane. Mesin sing di nggo nang Kymco kuwe basic e mesin Honda yaiku GY6 sing legendaris, tapi malah nang Honda Indonesia dewek malah ora di enggo. Malahan nang beberapa type Kymco malah pistone dilapis keramik teknologi sing di enggo nang NASA. Mesin Kymco rata-rata nganggo blok mesin allumunium sing enteng tapi kuat. Trus mesin Kymco uga dilengkapi auto choke, dadi nek manasi motor otomatis rpm e langsung duwur nek mesine pas adem trus otomatis rpme mudun ngger mesin wis panas. Teknologi rubber mounting lan balancing mesin sing apik merekna mesin Kymco tetep alus lan nyaman walaupun main nang rpm duwur. Mesin Kymco kadar emisi buange wis standar Euro 2, makane entuk penghargaan kang Menteri Lingkungan hidup dadi motor sing paling ramah lingkungan, otomatis motor Kymco kuwe ya irit.

Trus apa sih kelewihane motor Kymco kiye kenangapa koh sing wis tau nyicipi lan wis tau nduwe dadi maniak trus angel rep ganti ming motor liyane ? Kiye sing gampang-gampang bae ya. Sekang mesin bae wis beda, mesin Kymco kuwe alus banget getarane ora kaya matic liyane sing getarane kasar banget, nek digawa lunga adoh (Touring) Kymco enak banget ora merekna tangan karo manuk ngisor semuten hehehhe….tapi kudu ati-ati mbokan ngantuk soale nek digawa ngebut tambah alus mesine, tambah panas tambah enteng tarikane. Mesin Kymco juga kuat lan ora rewel buktine mbiyen pas launching kan tes Jakarta – Bali nonstop. Kunci motor Kymco kuwe multi fungsi, selain nggo stop kontak motor lan ngunci stang kunci kuwe bisa nggo mbukak bagasi mbuh keadaan motor urip apa mati tetep bisa, trus karo nggo mbukak tutp bensin, soale kan bolongan sing nggo ngisi bensin nggone nang ngisor stang sebelah kiwe (kiri) tapi tangki bensine nang dak ngisor pidekan sikil, dadine nek ngisi bensin ra perlu mudun sekang motor cukup puter kunci meng tengen (kanan) pol mengko otomatis tutupe kebukak dewek. Trus mergane tangki bensin posisine nang ngisor dadine bagasine amba banget…. dadine bisa muat barang-barang lewih akeh. Mergane kuwe sing wis ngrasakna nyamane lan praktise numpak Kymco pada angel arep ganti meng motor liyane. Tapi tergantung wonge juga sih, nek kepengen motor nggo trek-trekan ya Yamaha jagone,nek rep sing irit-iritan ya Honda jagone, nek rep sing maskulin macho ya suzuki, nek sing arep nyaman ya Kymco. Nek kepengin ngerti kepriwe fanatike wong-wong sing wis keracunan Kymco dolan bae meng www.kymco.or.id tapi ati-ati aja ngasi melu-melu keracunan, repot urusane mengko.

Tapi ya selain ana kelewihan mesthi ana kekurangane. Kekurangane Kymco kuwe sing mendasar ya image motor Cina kuwe dadine purna juale alias di dol maning murah, trus ketambahan siki pabrike sing nang Cikarang tutup dadine spare part mandan angel terutama nggo nang daerah-daerah. Ngger nang Bali, Jakarta, Bandung lan kota-kota gede liyane sing ora patia kepengaruh, tapi ya kuwe akeh sing nakal regane di undakna ora kira-kira dadi istilaeh ora mundak maning tapi ganti rega. ATPM trus pabrike tutup gara-gara selisih paham karo Kymco pusat Taiwan, tapi jan jane ya ATPM e bae sing ora niat dodolan, marketinge ora pada niat pokoke promosine amburadul lah, jan angger anu motore ora maen anu wis ora payu lah. Nek wis numpaki Kymco biasane dadi rewel wonge ngger krasa geter sitik mesthi protes ming bengkele. Trus akibat sing mandan parah alias ngentek-entekna duit yaiku kepengen tuku Kymco liyane sing kelase senduwure montor sing di enggo siki hehehehehehe…..

Kiye contoh motor-motor Kymco bisa ditemui nang Indonesia :

Trend 2000

Trend SR

Free LX

Libero

Easy

Dink

Super 8

Like

Downtown

Sumber info : Kymco Indonesia Community, Forum Honda Tiger Indonesia

Klepon kuwe uga termasuk balane cenil (cethil) yaiku bangsa jajan pasar. Ciri khase jajan kiye yaiku wernane sing ijo tur bunder-bunder kaya bal bekel, isine gula jawa biasane mangane di campuri parutan kelapa. Jaman cilikane inyong ya anu sering banget tuku panganan kiye, termasuk jajan favorit lah.  Klepon kuwe nggawene sekang glepung beras ketan sing di bulet-bulet isine gula jawa. kurang lewih cara nggawene kaya kiye sedulur :

Bahan:

• 300 gram glepung beras ketan
• 75 cc banyu godong pandan nek ora godong suji
• 2 sdt banyu kapur sirih alias enjet (ora nganggo ya ora apa-apa)
• 100 gram gula jawa di iris-iris
• ¼ butir kelapa diparut di dang karo ¼ sendok teh uyah nganti 15 menit

Cara Nggawe :

• Udek (aduk) glepung beras ketan karo banyu godong suji tuk setitik-setitik, lebokna banyu enjet (kapur sirih). Uleni nganti adonan bisa di bentuk mblondo (bulat-bulat) kaya dir (kelereng), trus isi karo irisan gula jawa trus di buletna maning.
• Godog banyu nang panci gede.  lebokna klepone, enteni nganti kemambang.  Trus di entas klepone trus di wadaih piring gari di campuri parutan kelapa

Trus di kancani karo teh manis anget utawa kopi sore-sore nang teras nyambi ngudud jian nylekamin pisan ya sedulur…..

Gara-gara maca artikel panganan tradisional nang blog e kang Maskur dadi kelingan jaman cilikane inyong pas nang Kroya koh, jian maraih kangen karo Kroya jaman semono. Ya nggo ngilangi setitik rasa kangen inyong rep melu ngrameni tulisan tentang panganan ndeso kiye.

Cenil utawa cethil kuwe panganan sing warna-warni, biasane tah werna abang nek ora ijo tapi nek arep diganti werna liyane ya ora apa-apa lah terserah sing nggawe. Cenil utawa cethil nggawene sekang pathi budin (singkong, boled, pohung, ketela pohon) trus dicampuri glepung sagu utawa istilah liyane pathi kanji (nek ora salah lho…) trus ditambaih tares (pewarna) apa bae terserah sing nggawe lah asal aja ireng, soale ketone njijiih ireng tur kenyil-kenyil hehehhehe…… trus biasane gole mangan dicampuri karo ampas lan gula pasir. Jian nylekamin pisa rasane.
Kiye resep nek pengen nggawe cethil utawa cenil :

Bahane :

• 275 gram tepung sagu .
• 100 ml banyu umeb (tambaih nganti 200 ml).
• ½ butir kelapa sing mandan enom, parut.
• ¼ sendok teh uyah.
• 100 gram gula pasir sing pasire mandan alus.
• Tares (pewarna) werna abang utawa ijo.

Cara Nggawe :

• Jiot sesendok tepung sagu campur karo 2 sdm banyu atis terus sor na meng banyu umeb (panas).
• Junjung sekan kompor trus di udek-udek (aduk) nganti kentel.
• Lebokna lewihan tepung trus udek nganggo tangan nganti bisa di bentuk-bentuk.
• Bagi adonan dadi 3 bagian, trus dicampuri tares.
• Godog adonan trus junjung ngger wis pada kemambang, trus di entas.
• Campurna karo parutan kelapa, tata nang piring trus uwur-uwuri (taburi) karo gula pasir.

tambahan : Kelapa karo uyah dicampur, bungkus godong gedang trus di dang nganti 10 menit (ben ora cepet mambu).

ngger arep maca artikel liyane bisa dolan-dolan meng : http://maskurmambangr.wordpress.com/2010/04/21/ciwel-karo-cenil/

Akhire Paijo mlaku nyangking jerigen ming pom bensin, pas wis tekan kana jebule ora ulih tuku bensin nganggo jerigen nang petugase.

“Deneng ora entuk sih kenangapa pak ?”  Paijo jengkel

“Lah kabeh wong ya ngerti ngger tuku bensin nganggo jerigen ora entuk…!!” petugase semaur ora kalah galak karo Paijo.

Akhire Paijo lunga nggolet pom bensin maning, wis nemu tapi pada bae ditolak nang petugase alesane pada bae kaya sedurunge. Wis jian…. Paijo mangkel temenan karo pom bensin, akhire Paijo nggolet bakul bensin eceran nang pinggir dalan. Jebule ora dinyana pas tuku nang tukang eceran juga tetep ora entuk tuku bensin nganggo jerigen. Wis kadung jengkel, mangkel tur bingung kenangapa ora entuk tuku bensin nganggo jerigen akhire Paijo mbalik ming warunge bakul mie ayam mbalekna jerigen.

“Kepriwe mas… entuk ora bensine ?” bakul mie ayam takon ming Paijo.

“Ora entuk pak…. mbuh pada kenangapa tek tukoni bensin nganggo jerigen.” Paijo tesih penasaran karo bingung.

“Ya njenengan sing salah mas….” bakul mie ayam njelasna.

“lah…. deneng nyong sing salah pak ???” Paijo tambah bingung.

” Ya iya mas….. mbok arep tuku bensin tekan Arab ya ora bakal entuk ngger tuku bensin KARO JERIGEN, nang ngendi-ngendi ngger tuku bensin ya KARO DUIT mas……. !!!!!!”

Paijo ndomblong……..

Terus terang baen walaupun inyong wong ndesa tapi nek soal selera musik ya ora kampungan lah, semenjak ana event L.A Light Indifest inyong seneng melu perkembangan band-band Indi sing ana nang Indonesia. Inyong seneng musik-musik indie soale warna musike bener-bener beda, ora kaya band-band siki sing akeh beredar nang tv lan radio, rata-rata musiki ya kaya kuwe lah standar, melankolis tapi terlalu dipaksa. Warna musike melu-melu sing lagi ngetrend tok tapi ora apik-apika, misale lagi ngetop ST12 trus mengko ana maning band-band sing warna musik lan corake persis kaya ST12, vocale di padakna karo kang Charlie, jian ora kreatip.

Nah gara-gara kuwe makane inyong seneng ngrungokna band-band kreatif tapi milih jalur indie, salah siji band indie sing lagi naik daun gara-gara melu event L.A Light Indifest ya kuwe THE BANERY, jian pertama krungu lagune sing judule “Karena Dia” aku langsung seneng koh, komposisi musike apik banget, musike ceria, trus harmonisasi vocale apik temenan lah…. kaya model-model lagune mbah THE BEATLES. Jian bagi inyong keren banget lah wani nggawa warna sing beda nang tengah-tengah gempuran band sing alirane “METAL” alias “MELOW TOTAL” hehehe…..

The Banery awal terbentuk taun 2004 personel awale : Rafli (Bass,Vocal), Egi (Lead Guitar,Vocal), Yudi (Rhythm Guitar,Vocal) lan Deni (Drums). Mbasan wis pirang taun trus ana pergantian personel yaiku Deni diganti Adam dadi drummer, trus ketambahan personel maning yaiku Oddo (keyboard, vocal). Gara-gara pergantian personel kuwe trus akhire juga dadi ngrubah jeneng band kuwe sing maune Uncle John, The Rebeats, trus akhire milih jeneng The Banery sing asale sekan singkatan jeneng-jeneng personele.

The Banery mainna jenis aliran musik antarane Rock and Roll, Opera, Rock, Alternative, and British Pop. Pengaruh utama band kiye yaiku The Beatles.  Makane ora gumun ngger harmoni vocale mirip banget karo trio Lennon, Mc Cartney, Harrison. mantep temenan. Trus akhire The Banery melu ajang festival L.A Light Indifest sing akhire bisa dadi salah siji pemenange nang L.A Light Indifest 3 lewat lagu asyik sing judule ” Karena Dia”.  Berkat tembang kuwe akhire jeneng band The Banery dadi langsung populer nang dunia musik Indonesia.

Nah… siki The Banery wis duwe album dewek judule “Janji Pasti” lagune ana 10, sing pasti lagu-lagune asyik-asyik temenan lah….. ngger rika seneng lagu-lagu Rock ‘N Roll jaman gemiyen ala mbah-mbah The Beatles dijamin mesthi seneng ngrungokna lagu-lagune The Bannery. Sukses terus nggo The Banery moga-moga bisa aweh warna sing beda nang industri musik Indonesia.

kiye nek rep ndeleng video clip e :

Sedulur sedela maning bulan Ramadhan teka, rasane wis ora sabar nyambut bulan sing mulia nggo umat muslim nang seluruh dunia. Wis kangen banget ngrasakna puasa Ramadhan sing nikmate ora ana tandinge, suasana sing paling kepenak seumur urip ya ngger ngrasakna lan nglaksanakna ibadah nang bulan Ramadhan.

Sedulur ya itung-itung nyambut Ramadhan nyong arep bagi-bagi sing insya Allah ana manfaate nggo njenengan. jenenge Athan Software, program kuwe  nggo di install nang komputere njenengen. Trus nek wis di install nang komputer di seting nang lokasi kotane njenengan. Nah otomatis ngger wektune azan program kae mau langsung muni azan kan komputer, asike maning ngger wis rampung azan bisa diseting ana doa bar azan, dadi kaya nang mesjid temenan.

Nang kono ana tipe jenis azan kan mesjid Mekah, Madinah, Masjid Al-Aqsa, trus masjid Mesir. asik kan…. ya wis lah tinggal di download bae software nang kene, moga-moga manfaat.

DOWNLOAD